تجربتي بعد ممشى ١٠٠ الف واستخدام سنة ونص
١- السواقة: السيارة ممتعه في القيادة ومريحه جدا وتعطيك فخامه ونظام الرادار ممتاز (سافرت عليها مابين الغربية والرياض وصولا لأبها وفعلا سيارة تستحق الثقة).
٢- العزم: ممتاز لكن فيها لاق والحل اني غيرت لبنزين ٩٥ واختفى وفيه بعض الاخوان ركبو قطعة وراحت المشكلة.
٣- البنزين: بحكم اني امشي عليها يوميا مايقارب ٤٠٠ كيلو ( دوام ) اشوف انها تصرف وقراءه العداد غير دقيقه فالشي ذا يمكن مع اختلاف السرعة والتسارع ودعسه البنزين تفرق من شخص لشخص.
٤- الداخلية: جميلة جدا وتتقارن بالالماني يعطيك فخامه وانصح بوضع حماية للديكور الداخلي والشاشة عشان تحمي السيارة من الخدوش
والمقاعد مريحة.
٥- العزل: العزل جيد اذا مشيت بسرعة عاليه طبيعي بتسمع صوت الهوا وتحصل ف معظم السيارات لكن مع المسجل مابتحس بالاصوات.
٦- السماعات: جودتها من جيد الى جيد جداً.
٧- الفرامل: ممتازة نظام ال ABS قوي جداً.
٨- المكيف: جربتو فالصيف وقت الظهريه ومع رطوبه في جدة يعتبر ممتاز.
٩- امتصاص الصدمات: في المطبات ممتازة جدا المساعدات ماتحس بالمطبات القوية.
ملاحظاتي:
١-سُمك الكفرات يحتاج تعريض( غيرت طقم الكفرات 255/55/19 وفرق معايا حتى في رساوة السيارة).
٢-فتحه السقف لو كانت بانوراميه كاملة بتكون احلى.
٣-القزاز الامامي اشوفه نازل شويا يعني الشمس بتكون مسلطة عليك تماما وتضايقك بالخط يفضل انك تحط عازل للقزاز الامامي.
٤-تصميم فتحات التكيف الامامية اسفل ودفع الهوا يكون جاي على يدك يأثر عليك.
٥- زر غطاء البنزين يدوي.
مشاكل حصلت معايا:
١-يفضل انك تحط عازل على واجهه السيارة وبالذات الكاميرات لان بعد مااخذت السيارة بيومين مسكت خط وانعدمت الكاميرا الاماميه وتحتاج لتغيير بسبب اني ماحطيت لها عازل وغيرتها ع الضمان.
٢-الكاميرا الخلفية برضو طاحت فجأه وتغيرت ع الضمان.
٣-جودة البويه تعتبر سيئه يعني اي حكه او خدشة ولو كانت بسيطه راح توصل للبودي.
٤- غطاء البنزين احيانا لما افتحه عشان اعبي ويقفله العامل امشي شوي ويرجع يفتح لوحده.
٥- الرادار يتأثر من الاوساخ و أي دقه بسيطه فيه راح تخرب وزنيته ويحتاج تغير ووزن فالوكالة.
٦- ظهور الشاشة السوداء او احيانا تعلق حصلت مره وحده بس ( الحل انك تعلق على زر خفض الصوت مدة بسيطة وترجع زي ماكانت ).
٧- تغيرت اعدادات باب السائق فجأه وكل مااعدل فيها ترجع لوضعها السابق.
ولله الحمد ماقد واجهت مشاكل ميكانيكية او فالقير اغلبها مشاكل تقنية وموجودة الحلول في أرشيف القروب.