مقرره اشتريه ٣٥ بلس نص فل و انا رايحة للوكاله شانجان

Question

السلام عليكم

انا كنت مقرره اشتريه ٣٥ بلس نص فل

و انا رايحة للوكاله مريت معي جيلي و جربت كولراي

صراحة فرقت مره معي بالسواقه جيلي كانت راسيه و ثابته حتى باللفات و عزمها افضل

جيلي ماكان فيها نتعه

انا مجربه ٣٥ بلس مع اختي لها سنه كنت خلاص جازمه عليها

بس الان احترت صراحة

و بعد اللي خلاني افكر اكثر ان شانجان الداخلية تغيرت عن اصدار ٢٢ كان افخم و كله لمس

ممكن تنصحوني

Answer 1

عليكم السلام ..

ما فيه أفضل من الموقف اللي انتي فيه علشان تقررين دام السيارة موجوده عند إختك وجربتيها ..

شوفي الإيجابيات الأكثر إذا السلبيات تعتبر قليله جدآ مقارنة فيها ..

لها ثلاث سنوات ربي لك الحمد ما فيه احسن منها من 2020

Answer 2

انتِ ابخص وشوفي السيارة اللي مرتاحه لها

حنا هنا جربنا 35 بلس ما جربنا الكولراي

عن نفسي اشوف السيارتين متقاربة ومنافسة لبعض بس فيه نقاط تميز الشانجان ، مكينة أكبر ومكيف أقوى وأعتقد الكولراي مافيها مكيف للمراتب الخلفية الا لو انها تغيرت وحطوا فيها

Answer 3

وعليكم السلام

كل السيارات الصينيه تمام افضل شي انك تستخيري وان شاءالله ربي ييسر ويسهل امورك ويكتب لك الخير

Answer 4

بالنسبة لي أخوي معه كولراي وانا معي 35 plus , السيارتين حلوة .. لكن الافضلية للكولراي والمواصفات فيها اكثر وتعتبر سيارة قوية