في البداية تاكد انك مستحق الخصم لعدم وجود حوادث سابقة في سجلك عن طريق تطبيق نجم لو ماحصلته تتواصل مع نجم ويحدثون بياناتك >> عشان يقل عليك مبلغ التامين هذي نقطه يجهلها الكثير من الناس
التامين نوعين
١-شامل ويندرج تحته نوعين
*شامل والتصليح يكون وكاله وهذا اغلى شوي وتاكدي تقراين وثيقة التامين ويكون سعر السيارة مثبت في حال لاقدر الله صار بها تلف كلي يعوضونك
*شامل وتصليح ورش تكون متعاقده مع التامين اللي بتامني عنده ويكون ارخص شوي
بالنسبة لقيمة التحمل : علاقة عكسية
اذا زدت قيمةالتحمل يقل مبلغ التامين
اذا قللت قيمة التحمل يزيد مبلغ التامين
**من وجهة نظري خله يزيد مبلغ التامين ولا تزيد قيمة التحمل
السبب: لاقدر الله صار اكثر من حادث بنفس السنه كذا انت راح تدفع قيمة التحمل اكثر من مره + مبلغ التامين**
انت ووضعك المادي وقرارك الشخصي ..
٢-ضد الغير وهذا يحميك لاقدر الله صار حادث والخطا عليك يصلح سيارة الطرف الثاني وهذا ارخص من الشامل بنوعيه اما سيارتك ف انت تصلحها بدراهمك
{وفيه نوع بس مو عند كل شركات التامين انه يصلح سيارتك لمبلغ معين
وهذا شفته عند التعاونيه يسمونه سند بلس يصلح موترك لغاية ١٠ الاف ريال
وبرضو عند تكافل الراجحي ، ويمكن عند الاغلب لازم تشيك }
تقدر تشوف وضعك وماديتك ومدى اتقانك للسواقه وتقرر
فيه تطبيق تاميني وتطبيق بي كير وتطبيق جونشور وتقارن الاسعار
وبرضو تكلم شركات التامين او تروح لهم وتقارن الاسعار افضل ويمكن تلقى اسعار عندهم ارخص من التطبيقات
وشكراً