Question

يا اخوان هل تنصحون اخذ كلايسلر؟ وهل صحيح ان اعطالها كثيرة ؟ وش رايكم؟ امل الإفادة

Answer 1

انا معي ومستخدم ورجلي حاره وما احافظ والله الموتر كفو ولا عليك من المُرجفين والموسوسين موتر تركبه تعشقه رساوه عزل عزم راحة ، الي واجهته فقط تكايات لاني كنت اغير زيت موبار واذا بتاخذ ٦ سلندر م ياخذ ساعه تغيير التكايات بدون فك مكينه

Answer 2

موتر ممتاز و ينفع للاستخدام اليومي و ينفع للشباب و ينفع يكون رسمي، و يحتاج تحافظ عليه و تغير الزيت اول بأول، و القطع متوفرة، و على الطريق يعتبر قاسي شوي و اتوقع بسبب حجم الجنط 20

اما سالفة الأعطال مثلها مثل باقي السيارات و أشوفها حظوظ و توافيق، فيه ناس طلعت لهم بعض الأعطال وهي جديدة وكالة، و فيه ناس مشت معهم فوق ٥٠٠ ألف بدون أعطال تُذكر، أنت استخر والله ييسر لك

Answer 3

اللي مجرب السياره من زمان وامتلكها ويعني خلاص عشقتها مهما كرهتك في الاعطال وتعتمد على طريقة استخدامك وظروفك الماليه وخلاص تعودت ، طبعا يختلف عن اللي يسأل عن تجربتها او يرغب في امتلاكها وهو مايدري عنها بس سمع انها اعطال كثير ، الافضل انك لاتنصحه بشراءها لانك اقتنعت فيها، الافضل هو بنفسه هل هو مقتنع اقتناع تام انه يشتريها لان اللي يشتري سياره بقناعه تامه من نفسه وان نوع السياره هاذي هو اللي يبغاه من زمان صدقني بيرتاح مع سيارته مهما حصل

بعضهم وانا شفتهم شارين تشارج بس لان اول تشارج مرة من عنده اعجبه صوتهاوعلى طول اشتراها ولاهو اصلا مقتنع فيها بس لاحظت انه مستلمها دعس رايح جاي ولاعنده ادنى فكره عن السياره الا صوت واعجبه هذولا صدقني مااستمر ت السياره معه ورجع للي مناسب له هايلوكس جنوط سود او اكسنت